საფრანგეთის ხელისუფლებამ ოფიციალურად დააფიქსირა ფრინველის გრიპის აფეთქება ქვეყნის ჩრდილოეთით მდებარე მეფრინველეობის ფერმაში.
"იმ დროს, როდესაც ევროპაში ფრინველის გრიპის ვირუსი აქტიურად ტრიალებს გადამფრენი ფრინველების გამო, საფრანგეთში 26 ნოემბერს დაფიქსირდა ეპიდემია, რომელიც გამოწვეული იყო მაღალი პათოგენური შტამით, მეფრინველეობის ფერმაში ქალაქ ვაჰრამში, ჩრდილოეთ დეპარტამენტში", - აღნიშნულია ოფიციალურ ინფორმაციაში.
ეპიდემიის გამო, ხელისუფლებამ ფრინველის მეპატრონეებს მოუწოდა, დაიცვან ყველა რეგულაცია ბიოუსაფრთხოების უზრუნველსაყოფად.
მიმდინარე წლის დასაწყისში საფრანგეთის ფერმებში ფრინველის გრიპის ვირუსის 400-მდე აფეთქება გამოვლინდა. ეპიდემიის შესაჩერებლად ფერმერები იძულებულნი გახდნენ გაენადგურებინათ 3,5 მილიონზე მეტი იხვი და ქათამი.
