საფრანგეთის ხელისუფლება შეშფოთებულია მოხუცებულთა სახლებში მომუშავე მედპერსონალის ნაწილის ვაქცინაციაზე უარის გამო. ამის შესახებ ქვეყნის პრემიერ-მინისტრმა ჟან კასტექსმა განაცხადა.
მიუხედავად პრიორიტეტული კატეგორიისა, კორონავირუსზე მოხუცებულთა სახლებში დასაქმებული მედიკოსების მხოლოდ მესამედი აიცრა. ამ გადაწყვეტილებას პრემიერმა ძალიან უარყოფითი შეფასება მისცა და მას უპასუხისმგებლო ნაბიჯი უწოდა. "ეს არანორმალურია", - განაცხადა კასტექსმა.
მანმადე , საფრანგეთის პრეზიდენტმა ემანუელ მაკრონმა, ეროვნული უშიშროების საბჭოს სხდომაზე მედპერსონალის სავალდებულო ვაქცინაციის საკითხი დააყენა. მთავრობამ ინიციატივას მხარი არ დაუჭირა და მიიჩნია, რომ ეს ნებაყოფლობით გადასაწყვეტი საკითხი უნდა ყოფილიყო.
ამ დროისთვის ქვეყანაში 4 მილიონი მოქალაქეა აცრილი. საფრანგეთის მთავრობა ვაქცინაციის კამპანიის დაჩქარებას გეგმავს.
