საფრანგეთის სამართალდამცავი ორგანოების თანამშრომლებმა 15 დეკემბრიდან 22 იანვრამდე "კომენდანტის საათის" დარღვევისთვის 110 ათასი ჯარიმა გამოწერეს.
გარდა ამისა, ამ ხნის განმავლობაში სამართალდამცავებმა 1.4 მილიონზე მეტი შემოწმება ჩაატარეს, აღკვეთეს ფარული წვეულებები, დააჯარიმეს მათი ორგანიზატორები და მონაწილეების ნაწილი.
იანვრის დასაწყისში გავრცელდა ინფორმაცია, რომ საფრანგეთში საახალწლოდ პოლიციამ კომენდატის საათის დარღვევისთვის 6,6 ათასზე მეტი ჯარიმა გამოწერა. კანონის დამრღვევი პირები 135 ევროთი დააჯარიმეს, თუმცა განმეორებითი დარღვევის შემთხვევაში ჯარიმა 3,750-მდე იზრდება.
თეკო გიორგაძე
ავტორი