აღმოსავლეთ საფრანგეთში სკოლის ავტობუსის ავარიის შედეგად 20 ადამიანი დაშავდა. ამის შესახებ ქვეყნის შინაგან საქმეთა მინისტრმა, ჟერალდ დარმანენმა განაცხადა.
მინისტრმა დაშავებულებს მხარდაჭერა გამოუცხადა და მაშველებს მადლობა გადაუხადა.
გამოცემა L'Est Républicain-ის ინფორმაციით, ავტობუსით 5-დან 13 წლამდე ასაკის ბავშვები გადაჰყავდათ. ორი არასრულწლოვანი მძიმედ დაშავდა, ერთი მათგანი სასწრაფოდ საავადმყოფოში გადაიყვანეს.
გამოცემა აღნიშნავს, რომ დუს დეპარტამენტში დიდთოვლობის გამო რამდენიმე უბედური შემთხვევა მოხდა.