საფრანგეთში 18 ივლისს კორონავირუსის 12 500-ზე მეტი ახალი შემთხვევა დაფიქსირდა. ზედიზედ მესამე დღეა, ქვეყანაში ინფიცირების რიცხვი 10 000-ს აჭარბებს. ინფორმაციას სააგენტო Reuters ავრცელებს.
ქვეყნის ჯანდაცვის სამინისტროს ცნობით, აფეთქების მიზეზი COVID-19-ის "დელტა" შტამის გავრცელება გახდა. ამასთან, უწყებამ ხაზი გაუსვა, რომ კვირას გამოქვეყნებული მაჩვენებელი წინა დღის რიცხვსაც მოიცავს.
სამინისტრომ შაბათს 10,949 შემთხვევა გამოაცხადა, კვირას კი - 10,908 შემთხვევა.
უწყება ასევე აღნიშნავს, რომ ინფიცირებულთა უმეტესობა არავაქცინირებულ მოქალაქეებზე მოდის.
