”სამივე მათგანი (ვაქცინა) ნამდვილად საკმაოდ კარგია და მათგან ის უნდა გაიკეთოთ, რომელიც თქვენთვის ყველაზე ხელმისაწვდომია", - განაცხადა აშშ-ის ალერგიისა და ინფექციური დაავადებების ეროვნული ინსტიტუტის დირექტორმა, ენტონი ფაუჩიმ. მან ასევე აღნიშნა, რომ თუ გარკვეულ მომენტში მხოლოდ Johnson & Johnson-ის ვაქცინა იქნება ხელმისაწვდომი, უარს არც მის გაკეთებაზე იტყვის.
შეერთებულ შტატებში კორონავირუსის საწინააღმდეგო სამი ვაქცინაა დამტკიცებული, კერძოდ Moderna-ის, Pfizer/BionTech-ისა და Johnson & Johnson-ის მიერ შემუშავებული პრეპარატები.
"ეჭვგარეშეა, რომ სამივე ვაქცინა მაღალ-ეფექტურია", - აღნიშნა ენტონი ფაუჩიმ.
