სამხრეთ კორეაში, მთავრობის მიერ ორგანიზებულ ღონისძიებაზე, კორონავირუსის შესახებ ცნობადობის ამაღლებისა და სამოტივაციო მესიჯების გაგზავნის მიზნით, 300-მდე დრონმა ცაზე 10-წუთიანი შოუ მოაწყო.
შოუ დაიწყო მესიჯებით, რომლებიც ხალხს სიფრთხილისკენ მოუწოდებს. რეკომენდაციებს შორისაა პირბადეების ტარება, ხელის დაბანა და ორმეტრიანი დისტანციის დაცვა.
10-წუთიანი შოუს დასასრულს, ცაზე მადლობა გადაუხადეს სამედიცინო პერსონალს, რომელიც პანდემიის წინა ხაზზე იბრძვის.
"გმადლობთ თქვენ", - დაიწერა ცაზე.
წარწერად გვერდით გულის ფორმის გამოსახულება ამშვენებდა
ამის შემდეგ კორეის ნახევარკუნძულის სილუეტი გამოჩნდა, რომელსაც ეწერა: "გაიხაროს კორეის რესპუბლიკამ".
თეკო გიორგაძე
ავტორი