სამხრეთ კორეის კიონგიდოსა და ჯოლაბუკ-დოს პროვინციების ვეტერინარული ორგანოებისთვის განგაშის უმაღლესი დონეა გამოცხადებული. ინფორმაციას ქვეყნის სურსათის, სოფლის მეურნეობისა და სატყეო მეურნეობის სამინისტროზე დაყრდნობით საინფორმაციო პორტალი KBS ავრცელებს.
პორტალის ცნობით, ვეტერინარული სამსახურები მაღალი მზადყოფნის რეჟიმზე გადაიყვანეს, მას შემდეგ რაც ამ ადგილებში გადამფრენ ფრინველებში ფრინველის გრიპი გამოვლინდა.
სამინისტროს ცნობით, გარეული ფრინველების ფეკალიების ნიმუშების ანალიზმა მაღალპათოგენური H5N8 ფრინველის გრიპის შტამი აჩვენა. მოგვიანებით ვირუსი ჯოლაბუკ-დოს პროვინციაში, შინაურ იხვებში აღმოაჩინეს.
