სამხრეთ კორეამ მკაცრი სოციალური დისტანციის რეჟიმი კიდევ 2 კვირით გააგრძელა. ამის მიზეზი სხვა და სხვა რეგიონში კორონავირუსის ახალი კერების გაჩენაა.
ქვეყნის პრემიერის ჩენ სე გიუნის განცხადებით, დედაქალაქ სეულისა და ინჩხონის რეგიონებში, ასევე კიონგიდოს პროვინციაში მეორე დონის, დანარჩენ ქვეყანაში კი 1,5 დონის სოციალური დისტანციაა გამოცხადებული. აკრძალულია 4-ზე მეტი ადამიანის თავშეყრა
გასული 24 საათის განმავლობაში ქვეყანაში კორონავირუსის 488 ახალი შემთხვევა დაფიქსირდა. ეს ბოლო 3 კვირის განმავლობაში ინფიცირების ყველაზე მაღალი მაჩვენებელია.
