საუდის არაბეთის ქალაქ ჯედაში 40 წლამდე მამაკაცი დააკავეს, რომელიც საფრანგეთის საკონსულოში უსაფრთხოების სამსახურის თანამშრომელს დაესხა თავს. ინფორმაციას Independent ავრცელებს. თავდამსხმელი ბასრი საგნით იყო შეიარაღებული. დაცვის თანამშრომელი საავადმყოფოში გადაიყვანეს. მის სიცოცხლეს საფრთხე არ ემუქრება. მანამდე საფრანგეთის ხელისუფლებამ საუდის არაბეთში მცხოვრები საკუთარ მოქალაქეებს მაქსიმალური სიფრთხილისკენ მოუწოდა.
შეგახსენებთ, დღეს საფრანგეთის ქალაქ ნიცაში დანით შეიარაღებულმა პირმა სამი ადამიანი მოკლა და რამდენიმე დაჭრა, ერთ-ერთ მოკლულ ქალს კი თავი მოჰკვეთა. ქალაქის მერმა მომხდარი ტერორისტულ აქტად შეაფასა.
მედეა ცხოვრებაძე
ავტორი