სერბეთში, ქალაქ ჩაჩაკთან საბრძოლო მასალების საწყობებში აფეთქებების სერია მოხდა. ინფორმაციას ამის შესახებ Vecernje Novosti ავრცელებს.
თვითმხილველების თქმით, აფეთქება ღამით მოხდა და მოქალაქეების ნაწილს სახლების დატოვება მოუწია. ახლომდებარე დასახლებებში სახლების ნაწილი დაზიანდა, ჩაიმსხვრა მინები. ბევრს ეგონა, რომ ომი დაიწყო.
აფეთქების შედეგად არავინ დაშავებულა. ევაკუირებული იყო 30 თანამშრომელი. ადგილზე მობილიზებული იყო სახანძრო სამსახური.
