აშშ-ში სერიალ "მეგობრების" სპეცგამოშვების გადაღება კორონავირუსის გამო გადაიდო. ამის შესახებ საკუთარ წყაროებზე დაყრდნობით გამოცემა The Variety წერს.
მისი ინფორმაციით, გადაღებები მარტის ბოლოს უნდა დაწყებულიყო. ახლა კი ისინი მაისში გადაიტანეს. გადასაღები მოედანი კალიფორნიულ ბერბანკში იქნება განლაგებული.
თებერვლის დასაწყისში ცნობილი გახდა, რომ მსახიობები სერიალიდან "მეგობრები": ჯენიფერ ენისტონი, კორტნი კოქსი, ლიზა კუდროუ, დევიდ შვიმერი, მეთ ლებლანი და მეთიუ პერი სპეცგამოშვებაში მიიღებენ მონაწილეობას.
