აზერბაიჯანში საქმიანი ვიზიტით მყოფი ევროპული საბჭოს პრეზიდენტი შამახინის რაიონში ჯუმა-მეჩეთს ესტუმრა.
შარლ მიშელთან ერთად აზერბაიჯანის პრეზიდენტის თანაშემწე ანარ ალეკბეროვი იმყოფებოდა.
იმამმა მარხამათ მუსტაფაევმა შარლ მიშელს მეჩეთის ისტორია უამბო.
დღესვე, შარლ მიშელმა Twitter-ზე პოსტი გამოაქვეყნა, სადაც აღნიშნა, რომ სტაბილური და აყვავებული სამხრეთ კავკასიის რეგიონი ევროკავშირის ინტერესებშია.
ცნობისთვის, ევროსაბჭოს პრეზიდენტი შარლ მიშელი აზერბაიჯანის რესპუბლიკაში საქმიანი ვიზიტით გუშინ ჩავიდა.
ანტონ თათვიძე
ავტორი