თავში

"შეუსრულებელი მისია 7-ის" გადაღებები აფეთქებამ შეაჩერა

​"შეუსრულებელი მისია 7-ის" გადაღებები აფეთქებამ შეაჩერა

ფილმის "შეუსსულებელი მისია 7" გადაღებები, რომლებიც ინგლისში განახლდა, ისევ გაჩერებულია. გამოცემა The Sun-ის ინფორმაციით, ამჯერად მიზეზი არა კორონავირუსის მორიგი აფეთქებაა, არამედ საშიში ინციდენტი, რომელიც გადასაღებ მოედანზე მოხდა.

გამოცემის ინფორმაციით, ერთ-ერთი ილეთი მოტოციკლით მაღალი პანდუსიდან გადმოხტომას ითვალისწინებდა. მას 6 კვირის განმავლობაში ამზადებდნენ. როდესაც გადაღება დაიწყო, სატრანსპორტო საშუალებას დაშვებისას ცეცხლი გაუჩნდა და საწვავი აფეთქდა.

"იდეაში, კასკადიორი მუყაოს უზარმაზარ ბალიშებზე უნდა დაშვებულიყო, მოტოციკლი კი მისგან რამდენიმე მეტრში უნდა დაცემულიყო. სამწუხაროდ, ჩვენი გათვლები არასწორი აღმოჩნდა. როდესაც მოტოციკლი დაიმტვრა, მუყაოს ცეხლი გაუჩნდა და კონსტრუქცია დაიწვა. ძალიან ძლიერი დაკვამლიანება იყო", - განუცხდა The Sun-ს ანონიმურმა წყარომ.

ინციდენტის შედეგად არავინ დაშავებულა.

"შეუსრულებელი მისია 7-ის" 2021 წლის ნოემბერში გამოვა.

ტექსტში შეცდომის აღმოჩენისას, გთხოვთ, მონიშნოთ არასწორი ნაწილი და დააჭირეთ Ctrl + Enter.

კატეგორიის სხვა ახალი ამბები

ბოლო სიახლეები

ბოლო სიახლეები



orphus_system