დიდი ბრიტანეთის წამყვანი ეპიდემიოლოგის აზრა ღანის განცხადებით, თუ მსოფლიოს სხვა დანარჩენ ქვეყნებში მასშტაბური ვაქცინაცია არ ჩატარდება, შეზღუდვები შესაძლოა მომავალ ზამთრამდე გაგრძელდეს. ამის შესახებ ბრიტანული გამოცემა The Guardian იუწყება.
"დიდი იმედი გვაქვს, რომ ვაქცინა საშუალებას მოგვცემს ნორმალურ ცხოვრებას რაც შეიძლება მალე დავუბრუნდეთ, მაგრამ უნდა გვახსოვდეს, რომ ვირუსი კვლავ ცირკულირებს გლობალური მასშტაბით და მაშინაც კი, თუ გაერთიანებული სამეფოს მოსახლეობა სრულად იქნება ვაქცინირებული, შესაძლოა ვირუსი სხვა ქვეყნებიდან შემოიტანონ. სწორედ ამიტომ, ვაქცინაცია ყველა ქვეყნისთვის ხელმისაწვდომი უნდა იყოს", - აცხადებს ეპიდემიოლოგი.
აზრა ღანმა დასძინა, რომ დიდ ბრიტანეთში გასულ კვირასთან შედარებით, კორონავირუსის ახალი შემთხვევების რაოდენობამ იკლო.
