შრი-ლანკის პრემიერ-მინისტრი რანილ ვიკრამასინგჰე გადადგა. გადაწყვეტილება მან მას შემდეგ მიიღო, რაც საპრეზიდენტო არჩევნებში თავდაცვის ყოფილმა მინისტრმა, 70 წლის გოტაბაია რაჯაპასკამ გაიმარჯვა. ადგილობრივი მედიის ინფორმაციით, ამით ვიკრამასინგჰე არჩეულ პრეზიდენტს ახალი მთავრობის ფორმირების საშუალებას მისცემს.
თანამდებობა შრი-ლანკის ცხრავე პროვინციის გუბერნატორმაც დატოვა. განკარგულება მათ პრეზიდენტის სამდივნოდან მიიღეს.
შრი-ლანკის თავდაცვის ყოფილმა მინისტრმა, 70 წლის გოტაბაია რაჯაპასკამ, არჩევნებში გამარჯვების შემდეგ, საპრეზიდენტო ფიცი 18 ნოემბერს დადო.
