აშშ-ის სამხრეთით, ალაბამას, ლუიზიანასა და ტეხასის შტატებში ზამთრის შტორმს 11 ადამიანის სიცოცხლე ემსხვერპლა. სტიქიის ზონაში ძლიერი ქარი და წვიმაა. მოსახლეობის ნაწილი ელექტროენერგიის გარეშეა დარჩენილი.
ალაბამაში მოსახლეობა მოსალოდნელი ქარიშხლის შესახებ წინასწარ იყო გაფრთხილებული. ოკლაჰომასა და არკანზასში წყალდიდობის საფრთხე გამოცხადდა. რთული მეტეოროლოგიური პირობების გამო ასობით რეისი გადაიდო.
