შვედეთის პარლამენტმა პრემიერ-მინისტრად ისევ სოციალ-დემოკრატი მაგდალენა ანდერსონი აირჩია. ინფორმაციას Reuters ავრცელებს.
ამრიგად, ანდერსონი ჩამოაყალიბებს და უხელმძღვანელებს უმცირესობის მთავრობას, რომელიც მხოლოდ მისი პარტიისგან შედგება.
სოციალ-დემოკრატებს 349-ადგილიან პარლამენტში მხოლოდ 100 მანდატი აქვთ, ამიტომ პოლიტიკის განსახორციელებლად რამდენიმე სხვა პარტიის მხარდაჭერის იმედზე მოუწევთ ყოფნა.
ცნობისთვის, შვედეთის პირველმა ქალმა პრემიერ-მინისტრმა თანამდებობა პარლამენტის მიერ მისი დამტკიცებიდან რამდენიმე საათში დატოვა.
შვედეთის პარლამენტმა მთავრობის მეთაურად სოციალ-დემოკრატების ლიდერი მაგდალენა ანდერსონი 24 ნოემბერს აირჩია. ის ქვეყნის ისტორიაში პირველი ქალი პრემიერ-მინისტრი გახდა.
