შვეიცარიის მკვლევართა გუნდი ორწლიანი მუშაობის შემდეგ 100%-ით გამჭვირვალე პირბადეების წარმოებას იწყებს, რომელიც მათი ვარაუდით ტრადიციული სახის ნიღბებს შეცვლის. ამის შესახებ ინფორმაციას New York Post ავრცელებს.
კორონავირუსის გავრცელების შემდეგ, სამედიცინო პირბადეები ყოველდღიური ცხოვრების ერთ-ერთი მნიშვნელოვანი ნაწილი გახდა. ამასთან, ადამიანების უმეტესობას ცხოვრების ახალ წესებთან შეგუება უჭირს, ვინაიდან მათი სახე მუდმივად დაფარულია, რაც სუნთქვას ართულებს.
გამჭვირვალე პირბადეების წარმოების იდეა მეცნიერ კლაუს შოუშენბერგერს ეკუთვნის. შოუშენბერგი HelloMask-ის პირბადეებს EssentialTech Center-თან და შვეიცარიის ფედერალური მასალების-სამეცნიერო ცენტრთან თანამშრომლობით აწარმოებს.
მეცნიერთა მიზანი ინოვაციური პირბადის შექმნა იყო, რომელიც მოსახერხებელი იქნებოდა და ამავდროულად ჰაერის ფილტრაციის უმაღლეს სტანდარტებს დააკმაყოფილებდა.
HelloMask-ის ნიღბები თავდაპირველად საავადმყოფოებისა და ჯანდაცვის მუშაკებისათვის დამზადდება, მაგრამ სამომავლოდ, 2021 წლის დასაწყისისთვის, მისი მასიურ ბაზარზე დანერგვა იგეგმება.