ბოლო დღე-ღამის განმავლობაში შვეიცარიაში კორონავირუსით ინფიცირების 12,6 ათასი ახალი შემთხვევა დაფიქსირდა. ეს პანდემიის დაწყებიდან აბსოლუტური რეკორდი გახდა. ინფორმაციას შვეიცარიის საზოგადოებრივი ჯანდაცვის ფედერალური სამსახური ავრცელებს.
უწყების ცნობით, გასული 24 საათის განმავლობაში COVID-19-ით ინფიცირების 12 598 ახალი შემთხვევა დაფიქსირდა, ერთ დღეში 34 ადამიანი გარდაიცვალა.
ბოლო მონაცემებით, ქვეყანაში მოსახლეობის 66%-ზე მეტი (5,7 მილიონზე მეტი ადამიანი) სრულად არის აცრილი.
შვეიცარიაში, პანდემიის დაწყებიდან, COVID-19-ის მილიონზე მეტი შემთხვევა დაფიქსირდა, 11,3 ათასზე მეტი ინფიცირებული გარდაიცვალა.
