ავსტრალიის ქალაქ სიდნეიში "ლოქდაუნი" ოთხი კვირით, 28 აგვისტომდე გახანგრძლივდა. ინფორმაციას სააგენტო Reuters ავრცელებს.
გარდა ამისა, ხელისუფლებამ რეგულაციების დაცვის მონიტორინგის გამკაცრების შესახებ განაცხადა.
ახალი სამხრეთ უელსის შტატის პრემიერ-მინისტრმა, გლედის ბერეჯიკლიანმა მოქალაქეებს მოუწოდა, რეგულაციების დარღვევის შესახებ პოლიციას აცნობონ. როგორც პრემიერმა სატელევიზიო მიმართვისას განაცხადა, ერთ-ერთ დაკრძალვის ცერემონიის შედეგად, რომელსაც კოვიდრეგულაციების დარღვევით 50 ადამიანი ესწრებოდა, ინფიცირების 45 შემთხვევა გამოვლინდა.
გასული დღე-ღამის განმავლობაში ახალი სამხრეთ უელსში 177 შემთხვევა გამოვლინდა.
