ამერიკულმა კომპანიამ Snap მოკლე ვიდეოების გამოქვეყნების სერვისი Spotlight წარადგინა. ის ძალიან ჰგავს TikTok-ის პრინციპს.
Snapchat-ის მფლობელი კომპანია აცხადებს, რომ ყოველ დღე ჯამში მილიონ დოლარზე მეტს გაათამაშებს იმ მომხმარებლებისთვის, რომელთა ვიდეოები ყველაზე პოპულარული იქნება.
მომხმარებლები ვიდეო-კონტენტის რედაქტირებას ფილტრების, ეფექტებისა და მუსიკის დახმარებით შეძლებენ. ყველაფერი ეს აპლიკაციის ბიბლიოთეკაში იქნება ხელმისაწვდომი.
ახალი ფუნქცია უკვე ამოქმედდა აშშ-ში, კანადაში, ავსტრალიაში, ახალ ზელანდიაში, დიდ ბრიტანეთში, ირლანდიაში, ნორვეგიაში, შვედეთში, დანიაში, გერმანიასა და საფრანგეთში.