სომხეთის პრეზიდენტის არმენ სარქსიანის განკარგულების თანახმად, ქვეყანაში ვადამდელი საპარლამენტო არჩევნები 20 ივნისს გაიმართება.
მანამდე სომხეთის პარლამენტმა მეორე მცდელობით ვერ აირჩია პრემიერ-მინისტრი, რაც სომხეთის კონსტიტუციის თანახმად, ავტომატურად პარლამენტის დათხოვნას ითვალისწინებს.
ამრიგად, ვინაიდან საკანონმდებლო ორგანომ ერთი კვირის ვადაში მთავრობის ხელმძღვანელი ისევ ვერ აირჩია, პარლამენტი დაიშალა და ვადამდელი არჩევნები ოფიციალურად დაინიშნა.
