სომხეთში ახალი ტიპის კორონავირუსი ბოლო 24 საათის განმავლობაში 187 ადამიანს დაუდასტურდა. ჯამში, ქვეყანაში COVID-19-ით ინფიცირებულთა რიცხვმა 227 298-ს მიაღწია. ამის შესახებ ქვეყნის ჯანდაცვის სამინისტროს დაავადებათა კონტროლისა და პრევენციის ეროვნულ ცენტრში განაცხადეს.
ინფექციის გავრცელებიდან დღემდე კორონავირუსით სულ 4559 ადამიანი გარდაიცვალა, მათ შორის 1 გასული დღე ღამის განმავლობაში. ამას გარდა, გარდაცვლილია 1111 ინფიცირებული, თუმცა მათი გარდაცვალების მიზეზად სხვა დაავადებები სახელდება.
სომხეთის ჯანდაცვის სამინისტროს მონაცემებით, კორონავირუსისგან 218 242 პაციენტი გამოჯანმრთელდა, ხოლო 3386 ამ დრომდე მკურნალობს.
ანტონ თათვიძე
ავტორი