სომხეთში ახალი ტიპის კორონავირუსი ბოლო 24 საათის განმავლობაში 237 ადამიანს დაუდასტურდა. ჯამში, ქვეყანაში COVID-19-ით ინფიცირებულთა რიცხვმა 230 713-ს მიაღწია. ამის შესახებ ქვეყნის ჯანდაცვის სამინისტროს დაავადებათა კონტროლისა და პრევენციის ეროვნულ ცენტრში განაცხადეს.
ინფექციის გავრცელებიდან დღემდე კორონავირუსით სულ 4621 ადამიანი გარდაიცვალა. ამას გარდა, გარდაცვლილია 1122 ინფიცირებული, თუმცა მათი გარდაცვალების მიზეზად სხვა დაავადებები სახელდება.
სომხეთის ჯანდაცვის სამინისტროს მონაცემებით, კორონავირუსისგან 220 289 პაციენტი გამოჯანმრთელდა, ხოლო 4681 ამ დრომდე მკურნალობს. პანდემიის პერიოდში ქვეყანაში ჯამში 1 357 957 ტესტია ჩატარებული.
