სომხეთში ახალი ტიპის კორონავირუსი ბოლო 24 საათის განმავლობაში 517 ადამიანს დაუდასტურდა. ჯამში, ქვეყანაში COVID-19-ით ინფიცირებულთა რიცხვმა 337 522-ს მიაღწია. ამის შესახებ ქვეყნის ჯანდაცვის სამინისტროს დაავადებათა კონტროლისა და პრევენციის ეროვნულ ცენტრში განაცხადეს.
ინფექციის გავრცელებიდან დღემდე კორონავირუსით სულ 7 485 ადამიანი გარდაიცვალა, მათ შორის 26 გასული დღე-ღამის განმავლობაში.
სომხეთის ჯანდაცვის სამინისტროს მონაცემებით, კორონავირუსისგან 314 020 პაციენტი გამოჯანმრთელდა, ხოლო მიმდინარე აქტიური შემთხვევების რაოდენობა არის 14 579.
