სომხეთში ახალი კორონავირუსი ბოლო 24 საათში 374 ადამიანს დაუდასტურდა. ჯამში, ქვეყანაში COVID-19-ით ინფიცირებულთა რიცხვმა 6 302-ს მიაღწია. ამის შესახებ ქვეყნის ჯანდაცვის სამინისტროს დაავადებათა კონტროლისა და პრევენციის ეროვნულ ცენტრში განაცხადეს.
კორონავირუსის გავრცელებიდან დღემდე 77 ადამიანი გარდაიცვალა, მათ შორის სამი გასული დღე-ღამის განმავლობაში. კოვიდინფიცირებული პაციენტების რიცხვი, რომლების სხვა მიზეზით გარდაიცვალნენ, 28-ს შეადგენს. გამოჯანმთელდა 2 936 პაციენტი.
ამჟამად მკურნალობას 3 257 ადამიანი გადის. ქვეყანაში კორონავირუსზე ტესტირება სულ 49 080 ადამიანს ჩაუტარდა.
