29 წლის მამაკაცს სომხეთში კორონავირუსი დაუდასტურდა. ეს ინფიცირების პირველი შემთხვევაა ამ ქვეყანაში. როგორც ქვეყნის პრემიერ-მინისტრი ნიკოლ ფაშინიანი Facebook-ის ოფიციალურ გვერდზე წერს, პაციენტი ირანიდან მეუღლესთან ერთად დაბრუნდა. მან სიმპტომების გამოვლენისთანავე სამედიცინო დაწესებულებას მიმართა.
"მისი მდგომარეობა დამაკმაყოფილებელია", - წერს ფაშინიანი. ის ასევე აღნიშნავს, რომ კარანტინში ყველა იმ პირს გადაიყვანენ, ვისთანაც ინფიცირებულ მამაკაცს შეხება ჰქონდა.
აღსანიშნავია, რომ პაციენტის მეუღლეს კორონავირუსით ინფიცირება არ დაუდასტურდა.
პრემიერ-მინისტრი აცხადებს, რომ ქვეყანა მზადაა გაატაროს ჯანდაცვის მსოფლიო ორგანიზაციის რეკომენდაციებით გატარებული ზომები.
