სომხეთში რიგგარეშე საპარლამენტო არჩევნები 20 ივნისს გაიმართება, - ამის შესახებ პარტია "აყვავებული სომხეთის" ლიდერთან, მისი საპარლამენტო ფრაქციის თავმჯდომარესთან, გაგიკ წარუკიანთან შეხვედრის შემდეგ ქვეყნის პრემიერ-მინისტრმა, ნიკოლ ფაშინიანმა განაცხადა.
"შეხვედრის შემდეგ ჩვენ კონსტატაცია მოვახდინეთ, რომ შექმნილი შიდაპოლიტიკური მდგომარეობიდან საუკეთესო გამოსავალი რიგგარეშე საპარლამენტო არჩევნებია. სომხეთის პრეზიდენტთან, ბლოკ "ჩემი ნაბიჯის" ფრაქციასთან, პარტია "ნათელი სომხეთის" ფრაქციის ხელმძღვანელთან, ედმონდ მარუკიანთან კონსულტაციების შემდეგ, რიგგარეშე საპარლამენტო არჩევნები სომხეთში ამ წლის 20 ივნისს გაიმართება", - განაცხადა ფაშინიანმა.
