სცენარისტმა აარონ სორკინმა თავისი აზრი გამოთქვა ფილმ "სოციალური ქსელის" გადაღებების გაგრძელებაზე. სორკინის თქმით, ახალი ფილმისთვის უკვე არსებობს ისტორია. თუმცა, ამჟამად ძნელი სათქმელია იქნება, ეს ორიგინალური კინოს გაგრძელებაა თუ არა. სცენარისტმა ასევე ეჭვი გამოთქვა იმის შესახებ, გააგრძელებს თუ არა მუშაობას.
"ამ დროისთვის, სანამ ჩვენ ვსაუბრობთ, მე არ შემიძლია ამ ფილმის სცენარის დაწერა", - დასძინა მან.
მან დაამატა, რომ წარმოდგენა არ აქვს რა როლს ითამაშებს ამ ამბის მოყოლაში, ან საერთოდ, თუ მიიღებს მასში მონაწილეობას. სორკინმა აღიარა, რომ თუ იგი ფილმზე იმუშავებს, მხოლოდ თავდაპირველი ფილმის რეჟისორის, დევიდ ფინჩერის გარეშე.
შეგახსენებთ, რომ ფილმი "სოციალური ქსელი" 2010 წელს გამოვიდა. სიუჟეტს საფუძვლად უდევს მსოფლიოს ერთ-ერთი უმსხვილესი კომპანიის და ამავე სახელწოდების სოციალური ქსელის Facebook-ის შექმნისა რეალური ისტორია. ფილმში მოცემულია სოციალური ქსელის დამფუძნებლის მარკ ცუკერბერგისა და მისი კოლეგების ბიოგრაფია.
