SpaceX-ის კოსმოსურ ხომალდს, Crew Dragon Endeavor-ს დაუდგენელმა ობიექტმა ჩაუფრინა იქამდე, სანამ ხომალდი საერთაშორისო კოსმოსურ სადგურამდე მივიდოდა. ამის შესახებ ინფორმაციას Nypost ავრცელებს.
აშშ-ს კოსმოსურმა სარდლობამ, ორბიტაზე გასვლის შემდეგ, ხომალდის ეკიპაჟი გააფრთხილა უცნობ ობიექტთან შესაძლო შეჯახების შესახებ.
”შეჯახების შესაძლებლობა იმდენად გაიზარდა, რომ მისი თავიდან აცილების მანევრის გამოთვლისა და შესრულების დრო აღარ იყო”- განაცხადა NASA-ს სპიკერმა კელი ჰამფრიზმა.
მოხსენებაში ნათქვამია, რომ ობიექტმა კოსმოსური ხომალდიდან დაახლოებით 28 მილის მოშორებით გაიარა.
საბოლოოდ, აღმოჩნდა, რომ ეკიპაჟისთვის ან კოსმოსური ხომალდისთვის რეალური საფრთხე არ არსებობდა.