SpaceX-ის სატვირთო კოსმოსური ხომალდი Dragon მექსიკის ყურეში, ფლორიდას დასავლეთ სანაპიროზე საღამოს 20:30 საათზე დაეშვა. ამით კომპანიის 21-ე მისია დასრულდა, რომლის განმავლობაში საერთაშორისო კოსმოსური სადგური 2 ტონამდე ტვირთით მოამარაგა.
მისია 6 დეკემბერს დაიწყო, როდესაც Falcon 9-ის სარაკეტო სისტემამ Dragon-ი საერთაშორისო კოსმოსურ სადგურამდე მიიყვანა.
განახლებული Dragon-ის კაფსულით 20%-ზე მეტი ტვირთის ტრანსპორტირება გახდა შესაძლებელი. ამასთან, გაიზარდა კოსმოსური სადგურიდან დედამიწაზე დაბრუნებული სამეცნიერო კვლევითი მასალის რაოდენობაც.
აღსანიშნავია ისიც, რომ მისიის ფარგლებში, Dragon-ის კაფსულა პირველად, სრულად ავტონომიურად დაუკავშირდა კოსმოსურ სადგურს და შემდეგ გამოეყო.
The @SpaceX #CargoDragon completed its 36-day stay at the station today after undocking at 9:05am ET. It will splashdown in the Gulf of Mexico late Wednesday. More... https://t.co/I2Ml2IPSuM pic.twitter.com/LvvcLTIMrp
— International Space Station (@Space_Station) January 12, 2021
ვახო რევაზიშვილი
ავტორი