აშშ-ში, ნიუ-იორკში, კერძოდ ბრონქსის ოლქში სროლის შედეგად ხუთი ადამიანი დაშავდა. ამის შესახებ ინფორმაციას NBC ავრცელებს.
გავრცელებული ინფორმაციით, ინციდენტი ადგილობრივი დროით 21:00 საათზე, ვებსტერ ავენიუს მახლობლად მოხდა.
გამოძახებაზე მისულ სამართალდამცავებს შემთხვევის ადგილზე მხოლოდ ერთი დაზარალებული დახვდათ. ხოლო, კიდევ 4 დაჭრილი ახლომდებარე საავადმყოფოში თავად მივიდა.
ამჟამად დაშავებულების მდგომარეობის შესახებ ინფორმაცია არ ვრცელდება. თუმცა, NBC-ის ცნობით, მათი დაზიანებების უმეტესობა სიცოცხლისთვის საშიში არ არის.
ინციდენტის მიზეზები და ეჭვმიტანილის ვინაობა უცნობია. ამ დროისათვის მომხდარზე გამოძიება მიმდინარეობს.