თურქეთში, ქალაქ სტამბოლში, აეროპორტის მახლობლად მომხდარ ავარიას ავტობუსის სულ მცირე ხუთი მგზავრი ემსხვერპლა, ხოლო 25 ადამიანი დაშავდა. ამის შესახებ განცხადებას ქალაქის ადმინისტრაცია ავრცელებს.
ადმინისტრაციის ცნობით ავტობუსი ყარაბუქიდან სტამბოლის მიმართულებით დილის 07:00 საათისთვის მიემართებოდა. ავტობუსი ხიდის ბარიერს დაეჯახა. შემთხვევის ადგილზე სამაშველო დახმარების მანქანები მივიდნენ. ავტოსაგზაო შემთხვევის შედეგად დაშავებულები საავადმყოფოში გადაიყვანეს, 10 პაციენტის მდგომარეობა მძიმეა, მათ შორის სამი ბავშვია.
