სტოკჰოლმის ცენტრში მდებარე გალერეიდან ცნობილი მხატვრის, სალვადორ დალის 10-ზე მეტი ბრინჯაოს ქანდაკება მოიპარეს. ინფორმაციას ამის შესახებ გამოცემა Dagens Nyheter ავრცელებს.
გალერეა Couleur-ის მფლობელის, პედერ ენსტრომის თქმით, დაუდგენელი პირები შენობაში შეიჭრნენ, სადაც გამოფენა მიმდინარეობდა და მხატვრის 10-12 ნამუშევარი მოიპარეს.
"ქანდაკებების ჯამური ღირებულება 3-4 მილიონ კრონს (300-400 ათასი ევრო) შეადგენს", - განაცხადა მან.
ქურდობის ფაქტი დილის 4 საათზე აღმოაჩინეს. მიმდინარეობს გამოძიება.
