ინდოეთში, პანდემიის გამო შექმნილი მძიმე ვითარების გამო, კომპანია Suzuki-მ მიიღო გადაწყვეტილება სამი ქარხნის მუშაობის შეჩერების შესახებ. ინფორმაციას ამის შესახებ Kyodo ავრცელებს.
ინდოეთში, დაინფიცირებული ადამიანებისთვის ჟანგბადის მარაგი არასაკმარისია. ამიტომ, ავტომწარმოებელი ჟანგბადის რესურსებს, რომელსაც ის მანქანათმშენებლობისთვის იყენებს, კორონავირუსით მძიმედ დაავადებულ ადამიანებს მოახმარს.
"ჟანგბადი ადამიანების გადასარჩენად უნდა გამოვიყენოთ", - ნათქვამია ოფიციალურ განცხადებაში.
აღსანიშნავია, რომ მიუხედავად სამი ქარხნის დაკეტვისა, ავტომწარმოებელი საკუთარი გეგმის შემცირებას არ აპირებს.
