ტაილანდი უცხო ქვეყნის მოქალაქეებისათვის საზღვრების გახსნას ჯერ არ გეგმავს. აღნიშნული შეზღუდვა უცხოეთის იმ მოქალაქეებზეც ვრცელდება, რომლებიც ტაილანდში მუშაობენ ან ცხოვრობენ, მაგრამ ეპიდემიის პერიოდში ქვეყნის ფარგლებს გარეთ აღმოჩნდნენ. ამის შესახებ ტაილანდის საგარეო საქმეთა სამინისტროს ოფიციალურმა წარმომადგენელმა, ნატაფანუ ნოფაკუნმა განაცხადა.
”ტაილანდის ხალხის სახელით, მინდა ვუთხრა ყველა უცხო ქვეყნის მოქალაქეს, რომელთაც სურთ ეწვიონ ჩვენს ქვეყანას, რომ ჩვენ მოუთმენლად ველით COVID-19- ის პანდემიის დასრულების შემდეგ, მათ ქვეყანაში დაბრუნებას. თუმცა, ჯერჯერობით უცნობია, როდის გაიხსნება საზღვრები და როდის შეძლებენ ისინი ქვეყანაში დაბრუნაბას,” - ნათქვამია განცხადებაში.
ტაილანდიში კორონავირუსით 3,025 ადამიანია ინფიცირებული, სრულად გამოჯანმრთელებულთა რიცხვმა 2 855-ს მიაღწია, დაიღუპა 56 პაციენტი.
