ტაილანდიში, გასული დღე-ღამის განმავლობაში ახალი კოროვირუსით ინფიცირების არც ერთი ახალი შემთხვევა არ გამოვლენილა. ამასთან, ქვეყანაში ინფექციით გარდაცვალების ახალი შემთხვევებიც არ ფიქსირდება. ამის შესახებ ტაილანდის კორონავირუსის ინფექციური ცენტრის სპიკერმა, ტავიზინ ვიზანუოთინმა განაცხადა.
”დღეს ინფექციის არც ერთი ახალი შემთხვევა არ დარეგისტრირებულა. გასული დღის განმავლობაში ინფექციის შედეგად დაღუპულთა რიცხვი არ გაზრდილა”, - განაცხადა ინფექციური ცენტრის სპიკერმა.
ტაილანდში COVID-19-ით ინფიცირებულთა რაოდენობა პანდემიის დაწყებიდან დღემდე 3025-ს შეადგენს. კორონავირუსის ინფექციით დაღუპულთა საერთო რაოდენობა 56 ადამიანია, სრულად გამოჯანმრთელებულია - 2 855 პაციენტი. მისი თქმით, საავადმყოფოებში 114 პირი მკურნალობს.
