ტაილანდში, კო სამუის კუნძულზე საბორნე ავარიას ორი ადამიანის სიცოცხლე ემსხვერპლა. ინფორმაციას ადგილობრივი მედია ავრცელებს.
ინციდენტი ძლიერმა ქარმა გამოიწვია, რამაც დიდი ტალღები წარმოქმნა. ცნობილია, რომ ბორტზე ეკიპაჟის 12 წევრი და 4 მგზავრი იმყოფებოდა, აქედან ორი დაიღუპა, 11 გადარჩა. სამ ადამიანს ამ დრომდე ეძებენ, თუმცა, ამინდის გაუარესებისა და ძლიერი წვიმის გამო სამძებრო-სამუშაოები რთულდება.
ადგილობრივი ხელისუფლება მოსახლეობას მოუწოდებს, შესაძლო უხვი ნალექისა და ძლიერი წვიმის გამო სიფრთხილე გამოიჩინონ.
თეკო გიორგაძე
ავტორი