ტოკიოს ოლიმპიურ თამაშებთან დაკავშირებულ კიდევ 29 ადამიანს COVID-19 დაუდასტურდა. აქედან 4 სპორტსმენია. ჯამში, ამ თვის დასაწყისიდან ინფიცირებულთა საერთო რიცხვმა 382 შეადგინა. ინფორმაციას სააგენტო Kyodo ავრცელებს.
ახალ ინფიცირებულთა შორის სპორტსმენები არ არიან.
ოლიმპიადის მანძილზე ჯამში 570 ათასზე მეტი ტესტი გაკეთდა.
ეპიდემიოლოგიური მდგომარეობის გაუარესების გამო, ტოკიოში 12 ივლისიდან საგანგებო სიტუაციის რეჟიმი მოქმედებს. ამ მიზეზით, იაპონიის დედაქალაქში ოლიმპიური თამაშები, რომლებიც 23 ივლისიდან 8 აგვისტომდე იმართება, მაყურებლების გარეშე ტარდება.
