სანტა-კლაუსის ფორმაში ჩაცმულმა ბაიკერებმა ბავშვთა ძალადობის წინააღმდეგ ტოკიოს ქუჩებში ყოველწლიური აღლუმი ჩაატარეს.
ამჯერად, პანდემიის გამო აღლუმში მხოლოდ 100 ბაიკერი მონაწილეობდა.
ღონისძიების დირექტორის, ტაკაში მინეს თქმით, კორონავირუსის გამო წელს იაპონიაში ბავშვზე ძალადობის უფრო მეტი შემთხვევა დაფიქსირდა, ვიდრე წინა წლებში.
ბაიკერები ტოკიოს ოთხ ბავშვთა სახლს ეწვივნენ და ბავშვებს სათამაშოები და კანფეტები გადასცეს.
აღლუმს "Harley Santa Club-ის" წევრები 2008 წლიდან მართავენ.
