ტოკიოს ხელისუფლებამ, სადაც ამჟამად ზაფხულის ოლიმპიური თამაშები ტარდება, დაადასტურა, რომ გასული დღე-ღამის განმავლობაში, კორონავირუსით ინფიცირების 3 865 ახალი შემთხვევა გამოვლინდა.
ტოკიოს ოლიმპიურ თამაშებთან დაკავშირებულ კიდევ 24 ადამიანს COVID-19 დაუდასტურდა. აქედან 3 უცხოელი სპორტსმენია. ჯამში, ამ თვის დასაწყისიდან ინფიცირებულთა საერთო რიცხვმა 198 შეადგინა.
ცნობისთვის, ტოკიო -2020 წინა წლის ზაფხულში უნდა ჩატარებულიყო, მაგრამ კორონავირუსის პანდემიის გამო, ორგანიზატორებმა ტურნირის გადადება გადაწყვიტეს. მიუხედავად ამისა, ღონისძიებამ სახელი მაინც შეინარჩუნა.
სპორტული აქტივობები ტოკიოს 42 მოედანზე იმართება. ტოკიო- 2020 ოფიციალურად 23 ივლისს, 15:00 საათზე „ახალ ეროვნულ სტადიონზე“ გაიხსნა. ეს მოედანი 68 000 გულშემატკივრებს იტევს, მაგრამ, COVID-19-ის გამო, დამსწრეთა რაოდენობა შეზღუდულია.
საქართველო ტოკიოს ოლიმპიურ თამაშებზე 11 სახეობაში 35 სპორტსმენით არის წარმოდგენილი.
