მსახიობი და "ოსკარის" ორი პრემიის ლაურეატი ტომ ჰენქსი და მისი მეუღლე რიტა ვილსონი საბერძნეთის საპატიო მოქალაქეები გახდნენ. ამის შესახებ "ინსტაგრამზე" ქვეყნის პრემიერი კირიაკოს მიცოტაკისი წერს.
"ტომ ჰენქსი და რიტა ვილსონი ამიერიდან საბერძნეთის საპატიო მოქალაქეები არიან", - აწერს პრემიერ-მინისტრი სურათს, რომელზეც მეუღლესთან და წყვილთან ერთადაა აღბეჭდილი.
რიტა ვილსონს დედის ხაზით ბერძნული ფესვები აქვს. ტომ ჰენქსმა მასთან დაქორწინების შემდეგ (1988 წელს) მართლმადიდებლობა (ბერძნული ეკლესია) მიიღო. კუნძულ ანტიპაროსზე მათ სახლი აქვთ.
