"შეუსრულებელი მისია 7-ის" გადაღებების დროს ტომ კრუზმა თავის ცხოვრებაში ყველაზე საშიში ილეთი შეასრულა.
თვითმხილველების თქმით, მსახიობმა საშიში მოქმედება ოთხჯერ გაიმეორა, სანამ კინორეჟისორმა, ქრისტოფერ მაკქერიმ სასურველი კადრები არ მიიღო. კონკრეტული კადრის გადაღება ნორვეგიაში სპეციალურ პანდუსზე მოხდა.
სერიალის გადაღებებისთვის, ტომ კრუზი სპეციალურად შექმნილი პანდუსიდან მოტოციკლით პარაშუტის დახმარებით გადახტა. საშიში კადრების გადასაღებად ვერტმფრენი გამოიყენეს.
სახიფათო ილეთის შესრულებას, წინ უძღოდა უამრავი ტრენინგი და ზუსტი გათვლები. მსახიობი პარაშუტით კლდიდან რამდენჯერმე გადახტა, რათა ქარის მიმართულება გაერკვია და ნახტომისთვის წარმატებული კუთხე აერჩია.
შეგახსენებთ, "შეუსრულებელი მისია 7-ის" გადაღებების განახლების შესახებ კინორეჟისორმა ქრისტოფერ მაკქერიმ საზოგადოებას Instagram-ის საშუალებით აცნობა. მისი გამოსვლის თავდაპირველი დრო 2021 წლის ზაფხული დასახელდა, თუმცა გეგმები შეიცვალა და ის 2021 წლის შემოდგომაზე გამოვა.
Christopher McQuarrie and Tom Cruise are taking Mission: Impossible 7 to another level pic.twitter.com/eZaa5z8s5Y
— zach (@ZachMacieI) September 7, 2020
თეკო გიორგაძე
ავტორი