აშშ–ის საზღვაო ძალებმა მსახიობ ტომ კრუზსა და Top Gun-ის პროდიუსერს, ჯერი ბრუკჰაიმერს საზღვაო ავიატორის საპატიო წოდება მიანიჭეს.
”კინემატოგრაფიის ისტორიაში, ავიატორების შესახებ Top Gun (1986) -ზე უკეთესი ფილმი არ არსებობს. ფილმმა მილიონობით ადამიანის გული მოიგო, რამაც მნიშვნელოვანი გავლენა მოახდინა საზღვაო ავიაციის დაკომპლექტებაზე. Top Gun-მა, რომელშიც ტომ კრუზი აშშ-ის საზღვაო ძალების მფრინავის როლს ასრულებს, მნიშვნელოვნად შეუწყო ხელი საზღვაო ავიაციის პოპულარიზაციას”, - წერია აშშ-ის საზღვაო ძალების განცხადებაში.
