ამერიკის პრეზიდენტი დონალდ ტრამპი თვლის, რომ აშშ-ს ყოფილ ვიცე-პრეზიდენტ ჯოზეფ ბაიდენს, რომელიც ნოემბრის საპრეზიდენტო არჩევნებში მისი ოპონენტია, ძალიან ცუდი მეხსიერება აქვს და არანაირი დადებითი თვისება არ გააჩნია.
ჟურნალისტ შერილ ატკისონთან ინტერვიუში, რომლის ფრაგმენტიც Twitter-ზე გამოქვეყნდა, როდესაც ტრამპს ჰკითხეს, რა უპირატესობა აქვს ბაიდენს, პრეზიდენტმა უპასუხა: ”მე ვიტყოდი, რომ ეს გამოცდილებაა. მაგრამ სინამდვილეში მას არ აქვს გამოცდილება, რადგან არა მგონია, მას ის მაინც ახსოვდეს, რაც გუშინ გააკეთა. რა გამოცდილებაზე უნდა ვისაუბროთ? "
"ბაიდენი არასოდეს მიიჩნეოდა ინტელექტუალ პიროვნებად. მე შემიძლია მის სისუსტეზე მთელი დღის განმავლობაში ვისაუბრო”, - დასძინა ტრამპმა.
აშშ-ს დემოკრატიული პარტიის ეროვნული კონგრესი, რომლის დროსაც პარტიები საკუთარ საპრეზიდენტო კანდიდატურას წარადგენენ, ახალი კორონავირუსის ეპიდემიის გამო 17-20 აგვისტოსთვის გადაიდო.
New York Times- ის ცნობით, ბაიდენმა უკვე უზრუნველყო 1,550 დელეგატის მხარდაჭერა ეროვნულ კონგრესზე. კონგრესზე კენჭისყრაში გასამარჯვებლად და პრეზიდენტობის კანდიდატად ასარჩევად საჭიროა, რომ განმცხადებელმა 1,991 დელეგატის მხარდაჭერა მოიპოვოს.
ტრამპმა რესპუბლიკური პარტიისგან უკვე მიიღო დელეგატების ხმათა საკმარისი რაოდენობა. რესპუბლიკური პარტიის კონგრესი 24-27 აგვისტოს გაიმართება.
შეერთებულ შტატებში რიგით 59-ე საპრეზიდენტო არჩევნები 3 ნოემბერს არის დაგეგმილი.
I asked @realDonaldTrump what he sees as Biden's strength and weakness.
— Sharyl Attkisson (@SharylAttkisson) May 23, 2020
Watch the full interview Sunday@FullMeasureNews
Here's how:https://t.co/6Nb3q5xfny https://t.co/rFtj4qTvSO
