ამერიკის მოქმედი პრეზიდენტი დონალდ ტრამპი არჩეულ პრეზიდენტს ჯო ბაიდენს პირობას უყენებს ამბობს, რომ ბაიდენი თეთრ სახლში მხოლოდ იმ შემთხვევაში შეძლებს შესვლას თუ დაამტკიცებს, რომ 80 მილიონი ხმა მოტყუებითა და უკანონო გზით არ მიუღია.
ამის შესახებ თეთრი სახლის ლიდერმა დონალდ ტრამპმა „ტვიტერის“ პირად გვერდზე დაწერა.
„ბაიდენი თეთრ სახლში პრეზიდენტად მხოლოდ იმ შემთხვევაში შემოვა, თუ დაამტკიცებს, რომ "სასაცილო 80 მილიონი ხმა" მოტყუების და ქურდობის გზით არ მოუპოვებია. როდესაც თქვენ ხედავთ, რა მოხდა დეტროიტში, ატლანტაში, ფილადელფიასა და მილუოქში, მასობრივი გაყალბება, მის წინაშე დგება დიდი გადაუჭრელი პრობლემა!“ - წერს დონალდ ტრამპი.
