აშშ-ის პრეზიდენტი დონალდ ტრამპი აცხადებს, რომ სამომავლოდ საკუთარი სოციალური მედია პლატფორმის შექმნას გეგმავს.
მას შემდეგ, რაც Twitter-ის ადმინისტრაციამ სოციალურ ქსელში დონალდ ტრამპის პირადი ანგარიში დაბლოკა, აშშ-ის პრეზიდენტმა სამთავრობო გვერდზე (@POTUS) ოფიციალური განცხადება განათავსა, რომელშიც აღნიშნა, რომ Twitter სიტყვის თავისუფლებას ზღუდავს.
„უახლოეს მომავალში საკუთარი ონლაინ პლატფორმის შექმნის შესაძლებლობას განვიხილავთ. ჩვენ ვერ გაგვაჩუმებენ! Twitter-ს სიტყვის თავისუფლებასთან საერთო არაფერი აქვს“, - ნათქვამია დონალდ ტრამპის განცხადებაში, რომელიც Twitter-ის ადმინისტრაციამ მისი განთავსებიდან რამდენიმე წუთში წაშალა.
