გერმანიიდან აშშ-ის 9500 სამხედროს გამოყვანის გეგმა პრეზიდენტმა დონალდ ტრამპმა უკვე დაამტკიცა. განცხადება ამის შესახებ პენტაგონის ოფიციალურმა წარმომადგენელმა ჯონათან ჰოფმანმა "ტვიტერის" გვერდზე გააკეთა.
ჰოფმანის თქმით, ეს ნაბიჯი მიზნად ისახავს რუსეთის შეკავებას და NATO-ს გაძლიერებას. ეს ღონისძიება ქვეყანას უნდა დაეხმაროს აღადგინოს თავისი მოკავშირეების მხარდაჭერა, გააუმჯობესოს ევროპაში შეერთებული შტატების სტრატეგიული და ოპერაციული მოქნილობა.
მანამდე ტრამპმა არაერთხელ განაცხადა, გერმანია არღვევს NATO-ს სამხედრო ბიუჯეტის შეთანხმებებს. აშშ-ის პრეზიდენტმა გერმანიაში ამერიკული ჯარების შენარჩუნების პირობად ბერლინის მხრიდან თავდაცვის ხარჯების გაზრდა დაასახელა. ამის პასუხად ანგელა მერკელმა განაცხადა, რომ გერმანიაში აშშ-ის ჯარების ყოფნა ვაშინგტონის ინტერესებს ემსახურება.
6 ივნისს ტრამპმა გერმანიაში განთავსებული აშშ-ს სამხედრო კონტინგენტის შემცირების ბრძანება გასცა. ამჟამად, ქვეყნის ტერიტორიაზე 34 500 ათასი ამერიკელი სამხედრო იმყოფება. სახელმწიფოს მეთაურმა პენტაგონს უბრძანა, რომ მათი რიცხვი 9 500-ით შემცირდეს. ტრამპის გადაწყვეტილებით, გერმანიაში ამერიკელი სამხედროების განლაგების ლიმიტი დროულად 52 ათასი სამხედროს ნაცვლად, 25 000-ით განისაზღვრა.
მედეა ცხოვრებაძე
ავტორი