საფრანგეთის ეკონომიკისა და ფინანსთა მინისტრმა ბრუნო ლე მერმა, აშშ-ის მოქმედი პრეზიდენტისთვის Twitter-ის ანგარიშის დაბლოკვასთან დაკავშირებით ციფრული ოლიგარქიას სახელმწიფოებისა და დემოკრატიისთვის საშიში უწოდა.
"შოკირებული ვარ იმით, რომ Twitter-ი ანგარიშის დახურვის გადაწყვეტილებას იღებს, რადგან ციფრული გიგანტების რეგულირება თავად ციფრული ოლიგარქების მიერვე არ უნდა ხორციელდებოდეს. ციფრული ოლიგარქია - ეს საფრთხეა სახელმწიფოებისა და დემოკრატიისთვის", - განაცხადა მინისტრმა.
მინისტრის თქმით ციფრული გიგანტების საქმიანობის კონტროლს ხალხი, სახელმწიფო და სასამართლო სისტემა უნდა ახორციელებდეს.
შეგახსენებთ, რომ დონალდ ტრამპის ანგარიში Twiter-მა და სხვა სოციალურმა ქსელებმა "ძალადობის შემდგომი წახალისების საფრთხის" გამო დაბლოკა.
მედეა ცხოვრებაძე
ავტორი